හැබැයි මේව කියවලා ගිහින් රෑට බය වුනොත් නම් මම නෑ හොඳඳ....
අපේ අරුන් මල්ලී හොල්මන් වලට, කරුවලට එහෙම මාර බයයි. කොල්ලො කියන්නේ රෑට කරන්ට් නැතිවු‍නොත් එහෙම මූ දුවලා ගිහින් නෝනව බදාගන්නවලු... වැරදිලා හරි නෝනා හිටියේ නැතිනම් අල්ලපු ගෙදර නෝනව බදාගන්නවලු... වල් කමකට නෙමේ බන් බයට.....
හරි දැන් කථාව.......
දවසක් අපේ අරුන් මල්ලී මොකක්ද වැඩකට BMICH ගිහින් රෑ 11 විතර උනාලු. මිනිහගේ බෝඩිම තිබුනේ බොරැල්ල හරියේ. කොහොම උනත් ඒ වෙලාවේ 3වීල් එකක්වත් පාරේ නැති හින්දා අරුන් පයින්ම බොරැල්ලට යනවාලු.
මෙහෙම ගිහින් ඩී. එස්. සේනානායක ඉස්කෝලේ හරියට කිට්ටුවෙන අරුන්ට මතක් වෙනවලු ඉදිරියට හමුවෙන අති භයානක දෙයක්... බොරැල්ල කනත්ත......
ඒ හරිය පුරුදු නැති කෙනෙක් ඉන්නවනම් මේ සිතියම බලාගන්නකෝ.... ඒකේ රතු පාටින් ලකුණු කරලා තියෙන්නේ කනත්ත.... නිල් පාටින් ලකුණු කරලා තියෙන්නේ අවසාන වතාවට දකිනකොට අරුන් හිටිය තැන....
දැන් අරුන් කනත්තට හොඳටම ලං වෙලා.... රෑ 12 ටත් ලංවෙලා හින්දා කොල්ලාගේ කකුල් දෙකත් ගැහෙනවා... උෟ දෙයියන්ට කියකිය යන්නේ අනේ වාහනයක් වරෙන්... වාහනයක් වරෙන් කියලා....
මේ වෙලාවේ හරි අමුතු දෙයක් වෙනවා.... කිසිම සද්දයක් නැතිව අාපු කළුපාට කාර් එකක් අපේ අරුන් ලඟ නතරවෙනවා..... මෙච්චරවෙලා තමන් දෙයියන්ට කියපුවා ඇහිලා එවපු වාහනයක් කියලා හිතපු පොර දෙපාරක් තියා එකපාරක්වත් හිතන්නේ නැතිව වාහනනෙන් ඉඳගත්තා....
වාහනේ ඉඳගත්ත ගමන් ඒක හිමින් හිමින් යන්න පටන් ගත්තා... ඊටත් විනාඩි ගානකට පස්සේ තමයි අරුන්ට ආයිත් දෙයියෝ සිහිවුනේ.... වාහනේ ඩ්‍රයිවර් කෙනෙක් නෑ....
පොඩිකාලේ Knight Rider බලලා තිබුන වුනත් ඇත්තට එහෙම වුනාම කාටද බය හිතෙන්නේ නැත්තේ. අනික අර ගූගල් කාර් එකත් එන්න තව කල් තියනවනේ....
කොල්ලට දැන් සිහි නැතිවෙන්න ඔන්න මෙන්න.... බයට වාහනෙන් පනිනව තියා කෑගහන්නවත් කට ඇරෙන්නෙත් නෑ..... ඒ මදිවට දැන් කනත්තන් ටි‍කෙන් ටික ලං වෙනවා... දැන් මේ වාහනේ තියෙන්නේ වංගුවක් ලඟ. කෙලින්ම ගියොත් කනත්ත... වමට හැරුනොත් බොරැල්ල.
එකපාරටම වාහනේ ජනේලෙන් කළුපාට අතක් ආවා... ඇවිත් වාහනේ වමට හැරෙව්වා. ආයෙත් හිමින් හිමින් බොරැල්ල පැත්තට යනවා... ඔය වාහනේ ගිය පාර තමයි උඩ කහපාටින් තියෙන්නේ...........
උඩ මැප් එකේ කොළ පාටින් රවුම් කරලා තියන හරියේ ෂෙඩ් එකක් තියනවා සමහර අය දන්නවා ඇති.
කොහොම හරි අපේ අරුන් යන හොල්මන් කාර් එකත්මේ ෂෙඩ් එකට හැරෙව්වා කියමුකෝ... සමහරවිට හොල්මන් කාර් උනත් පෙට්‍රල් නැතුව දුවන්නේ නැතිව ඇති....
වාහනේට තෙල් ගහන අතරේ සිහිඑලවා ගත්තු අරුන් මල්ලී ඉක්මනට වාහනෙන් එලියට ආවා.... ඒත් බුවා දිව්වේ නෑ.. ෂෙඩ්එකේ කට්ටිය ඉන්නවනේ දැන් කාට බය වෙන්නද.... කොල්ලා ටිකක් ඈතට වෙලා බලාන හිටියා මොකද වෙන්නේ කියලා.
මෙහෙම ඉන්නකොට අරුන් දකිනවා තමන්ට වුනා වගේම තවත් මනුස්සයෙක් මේ කාර් එකේ ඉඳගන්න හදනවා...
කොච්චර උනත් මට වුන දේ තවත් කෙනෙකුට වෙන්න දෙන්න හොඳනෑ කියලා හිතපු අරුන් මල්ලී එයා ලඟට ගිහින් එයාව නැවැත්තුවා.... ඊට පස්සේ ඒකට හේතුව විදියට තමන්ට වුන සම්පූර්ණ සිද්ධියම මිනිහට කීවා.
ඒක අහන් හිටපු අර බුවා ඔළුවේ අතගහගෙන කීවේ මෙච්චරයි.....
"තමුසේ මාර මිනිහෙක්නේ ඔයි... මම මේ වාහනේ පෙට්‍රල් නැතුව මෙතෙන්ට තල්ලු කරන් එනකන්ම තමුසේ මේක ඇතුලේ වාඩිවෙලා හිටියද?????"
No comments:
Post a Comment