ත්‍රස්තවාදී ප්‍රහාරයක්.....

මෙහි පහත සඳහන් සිද්ධිය සිදුවන්නේ වෙනත් සමාන්තර විශ්වයක් තුල බව කරුණාවෙන් සලකන්න. 

Meanwhile in a parallel universe............


ස්ථානය : පාර්ලිමේන්තුව ආසන්නයේ ඇති මාර්ගයක්

පරිසර ස්වභාවය : 
                          මාර්ගයේ දැඩි වාහන තදබදයක් පවතී.... එම වාහන තදබදය අතරේ ආධාර එකතු කරමින් ගමන්කරන කණ්ඩායමකි..... මේ අතර, වාහනයක රියදුරෙක් එම කණ්ඩායමේ තරුණයෙකු සමග සංවාදයක යෙදෙයි....

රියදුරා : මල්ලි... මොකද මේ වෙන්නේ...?

තරුණයා : පාර්ලිමේන්තුවට ත්‍රස්තවාදී කණ්ඩායමක් ඇතුල්වෙලා.... එයාලා පාර්ලිමේන්තු මන්ත්‍රීවරු, ඇමතිවරු හැ‍ම කෙනෙක්ම ප්‍රාණඇපයට අරගෙන


රියදුරා : අයියෝ... ඉතින්...?

තරුණයා : එයාලා ඩොලර් මිලියන 100ක වන්දියක් ඉල්ලනවා... දුන්නේ නැතිනම් ප්‍රාණඇපකරුවන්ට පෙට්‍රල් දාලා ගිනි තියනවලු...


රියදුරා : ඉතින්... දැන් ඔයාලා මොකද මේ කරන්නේ?

තරුණයා : අපි ආධාර එකතු කරනවා....


රියදුරා : එක්කෙනෙක්ගෙන් කොච්චර විතර ගන්නවද?

තරුණයා : එහෙම විශේෂත්වයක් නෑ... තමන්ට පුළුවන් විදියට කැමති ප්‍රමාණයකින් ආධාර කරන්න පුළුවන්.....




රියදුරා : එහෙම නෙමේ මල්ලි... දැන් එකතුවෙලා තියන ප්‍රමාණය අනුව එක්කෙනෙක් කොච්චර විතර දීලා තියනවද?

තරුණයා : දැන් එකතුවෙලා තියන ප්‍රමාණය අනුව නම්...... එක්කෙනෙක් පෙට්‍රල් ගැලුමක් විතර වෙන්න දීලා තියනවා...


ප.ලි.
       අද උදේ ඉඳන් නැතිවෙන්න වහිනවා.... අපේ එවුන්ටත් මේ වගේ කතා මතක් වෙන්නේ වැස්සට මොළේ තෙමුනහම වෙන්න ඇති.... 

කොහොම හරි චන්දරේ අයියාගේ මේ කතාව අහලා කට්ටිය තවම හිනා වෙනවා..... මටත් මේ කතාව මීට කලින් කොහේදි හරි ඇහුවා වගේ මතක තිබුනට කොහේදිද කියලා හරියටම මතක නෑ....

කොහොම වුනත් මේ කතාවේ ඔරිජිනල් අයිතිකාරයෙන් ඉන්නවනම් සමාවෙන්න හො‍ඳේ.......!